Ssettatu a 'n pizzu o’ Ccippu in via Marina
pensava e’ fatti mei i prima matina
quandu nto silenziu rimbombau
‘na vuci forti e calma... e mi chiamau.
Iasandu a testa jeu mi nd’accurgia
chi a statua i bronzu s’era rianimata:
“Giuvinottu! Jeu mi rivolgiu a vui
pi diri quantu sugnu suddiata.
Ora chi giostri e musichi finire,
pensava chi mi potiva ripusari
e inveci i rriggitani già sturiannu
com’annu a fari mi creunu atru dannu.
Ormai su rriggitana cchiu’ di vui
avi millenni chi frequentu cca’
mi misiru a difesa e protezioni
'i quandu fu fundata ‘sta città.
Ndi vitti i tutti i tipi, cotti e cruri,
assedi, invasioni e pestilenzi,
ma chiddu chi staiu virendu ndi sti tempi,
nta me memoria non avi precedenti .
Fannu festi, festini e festival,
mentunu rradiu e fimmini in costumi
e menu mali chi pi jarmari u palcu
mi cumbogghiunu ogni vota c’u teluni.
Almenu m’a risparmiunu a virgogna
mi pari chi mi piaci stu burdellu,
n’a vogghiu fari sta malaviruta,
jeu che canuscìa Ibico e Pitagora.”
...Pensai chi simu cumbinati mali
si puru Atena ormai si suddìau.
E mi vinni nta testa 'na dumanda
chi ci voliva fari i tantu tempu.
“Sintiti, vi voliva dumandari
pirchì, si difenditi sta città,
vui non vardati ddrittu versu 'u mari
pi vidìri s’u nimicu rriva ccà?”
“ Chi dumandi faciti, giuvinottu?
Inveci aiu a vardari p’a città!
Jeu aiu a difendiri Rriggiu d’i nimici
e i nimici i Rriggiu sunnu ccà!”
Nessun commento:
Posta un commento