Chista è 'a città aundi l’acqua mmanca,
ma spazzatura nd’avi quantu voi,
undi non pavuni 'i stipendi e’ dipendenti,
ma machini p’i stradi nd’avi assai.
Chista è 'a città d’i mbuccalapuni,
'i chiddi chi nci cridunu 'a Befana,
è 'a città d’i mangia pani a tradimentu
e 'i chiddi chi non rrivunu a’ simana.
Nti sta città 'i cristiani si ribellunu
quandu cu fici 'u guaiu già si 'ndi iu;
nci mandunu minditti e malanovi
e s’a pigghiunu cu iddi quandu chiovi.
Ma mentri ch’eranu dda mi fannu dannu:
“ossequi e riverisco, don Peppino,
i cosi, don Limitri comu vannu?
Simu cu vui, dicitindi e facimu!
Si vui diciti c’a notti nesci 'u suli,
o puru chi nu sceccu sta volandu,
non ci su dubbi ch’esti a verità,
pensati vui, chi nui calamu a testa!”
Ora chi nc’esti fame e carestia,
ch’i veri fatti ormai nesciru e’ chiani,
pigghiamundilla cu cu vinni ora,
è u nostru stili, simu “RRiggitani”!!!
Nessun commento:
Posta un commento